Անդամակցության կարգը

«Աքիլես» ավտովարորդների իրավունքների պաշտպանության կենտրոն հասարակական կազմակերպության

Անդամության կանոնակարգ

ԸՆԴՀԱՆՈՒՐ ԴՐՈՒՅԹՆԵՐ

«Աքիլես» ավտովարորդների իրավունքների պաշտպանության կենտրոն հասարակական կազմակերպության (այսահետ` Կացմակերպություն) անդամ կարող է դառնալ յուրաքանչյուր ոք, ում 18 տարին լրացել է ընդունվելու պահին, եթե նա ընդունում է կազմակերպության կանոնադրաթյունը, իր գործունեությամբ նպաստում է կազմակերպության կանոնադրական նպատակների իրականացմանը և մուծում է անդամավճար:

Կազմակերպությանն անդամագրվողը պարտավոր է վճարել սույն կանոնակարգով սահմանված չափի մուտքավճար և անդամավճար:

Կազմակերպաթյան անդամներն ունեն հավասար իրավունքներ և կրում են հավասար պարտականություններ: Նրանք կարող են անարգել դուրս գալ Կազմակերպության շարքերից, որի դեպքում նրանց չեն վերադարձվում մուտքավճարը և անդամավճարը:

Անդամության վկայականը կորցնելու դեպքում անդամն այդ մասին անհապաղ տեղեկացնում է Կազմակերպությանը, որից հետո նրան տրվում է նոր վկայական` գանձելով դրա պատրաստման արժեքը:

Կազմակերպության պատվավոր անդամներ կարող են լինել այն անձինք, ովքեր ակտիվ մասնակցում են կանոնադրությամբ սահմանված նպատակների և խնդիրների իրականացմանը, ունեն մեծ ներդրում կազմակերպության նպատակների իրականացման գործում և վայելում են առանձնահատուկ հարգանք կազմակերպաթյան անդամների կողմից:

ԿԱԶՄԱԿԵՐՊՈՒԹՅԱՆ ԱՆԴԱՄԻ ԻՐԱՎՈՒՆՔՆԵՐԸ

Կազմակերպության անդամն իրավունք ունի`

  1. տեղեկություններ ստանալ կացմակերպության զործունեության մասին,
  2. ներկայացնել առաջարկություններ և ստանալ դրանց պատասխանները,
  3. ընտրել և ընտրվել կազմակերպության ընտրովի մարմիններում,
  4. ճանապարհային երթևեկության կանոնների, ՃՏՊ-ի, ճանապարհային երթևեկության կազմակերպման, վարչական օրենսդրության և կանոնադրական նպատակներին առնչվող այլ հարցերի վերաբերյալ ստանալ անհատույց իրավաբանական խորհրդատվություն,
  5. ստանալ անհատույց իրավաբանական օգնություն ՀՀ բոլոր ատյանների դատարաններում, պետական մարմիններում` իր օրինական շահերը պաշտպանելու նպատակով, որպես ճանապարհային երթևեկության մասնակից,
  6. Կազմակերպության ղեկավար մարմիններին տեղեկություններ հաղորդել պետավտոտեսուչների, ճանապարհապարեկային ծառայության աշխատակիցների կողմից իր նկատմամբ կատարված անօրինական գործողությունների մասին,
  7. կատարել նվիրատվություններ կամ հովանավորչական գործունեություն,
  8. մասնակցել կազմակերպության կողմից իրականացվող ակցիաներին, մրցույթներին և այլ միջոցառումներին:

Սույն կանոնակարգում թվարկված իրավունքները սպառիչ չեն, և Կազմակերպության անդամն ունի կանոնադրությամբ սահմանված այլ իրավունքներ:

ԿԱԶՄԱԿԵՐՊՈՒԹՅԱՆ ԱՆԴԱՄԻ ՊԱՐՏԱԿԱՆՈՒԹՅՈՒՆՆԵՐԸ

Կազմակերպության անդամը պարտավոր է.

  1. գործել Կազմակերպության կանոնադրությանը և սույն կանոնակարգին համապատասխան,
  2. մասնակցել կազմակերպության գործունեությանը,
  3. ժամանակին` սույն կանոնակարգին համապատասխան, մուծել տարեկան անդամավճարը,
  4. անձնական օրինակով նպաստել ճանապարհային երթևեկության ոլորտում օրինականության ամրապնդմանը:

Սույն կանոնակարգում թվարկված պարտականությունները սպառիչ չեն, և կազմակերպության անդամն ունի կանոնադրությունից բխող այլ պարտականություններ:

ՄՈՒՏՔԱՎՃԱՐ

Մուտքավճարի չափը սահմանվում Է 500 դրամ:

ՏԱՐԵԿԱՆ ԱՆԴԱՄԱՎՃԱՐ

Տարեկան անդամավճարի չափը որոշվում է կազմակերպության խորհրդի կողմից` հաջորդ օրացույցային տարին սկսվելուց մեկ ամիս առաջ, սակայն ոչ ուշ, քան նոր սկսվող օրացույցային տարվա առաջին 10 օրը:

Կազմակերպության շարքեր նոր ընդունված անդամները տարեկան անդամավճարը պետք է վճարեն անդամագրելու պահից երկամսյա ժամկետում: Այն նոր ընդունված անդամները, որոնք սույն կանոնակարգով սահմանված ժամկետում չեն վճարում անդամավճար, առանց լրացուցիչ որոշում կայացնելու համարվում են հեռացված:

Կազմակերպության անդամը գալիք տարվա տարեկան անդամավճարը (12 ամսվա համար) վճարում է ոչ ուշ, քան նախորդ տարվա տարեկան անդամավճարի ժամկետը ավարտվելուց մեկ ամիս առաջ, բայց ոչ ուշ քան նախորդ տարվա համար վճարված անդամավճարի ժամկետի ավարտը:

Հեռացված անդամը կազմակերպության շարքեր կրկին ընդունվում է ընդհանուր հիմունքներով:

Բոլոր կարգի հաշմանդամները անդամավճարը վճարում են 25% զեղջով: Իսկ ԽՍՀՄ հերոսները, ՀՀ հերոսները, Հայրենական Մեծ Պատերազմի և ԼՂ մարտական գործողություններին մասնակից վետերանները, թոշակառուները, ինչպես նաև բռնադատված անդամները օգտվում են անդամավճարի 50% զեղչից:

Տարեկան անդամավճարը կազմում է 10000 դրամ:

ԱՆԴԱՄՈՒԹՅԱՆ ՎԿԱՅԱԿԱՆ

Կազմակերպության անդամին տրվում է անդամության վկայական, որի ձևը սահմանված է ստորև:

Կազմակերպությանն անդամագրվողը պարտավոր է վկայական պատրաստելու համար ներկայացնել (3 X 4 չափսի) լուսանկար:

Վկայականի գործողության ժամկետը չպետք է լինի մեկ տարուց ավելի: Այս կարգից բացառություններ կարող են տրվել կազմակերպության խորհրդի որոշմամբ:

Կազմակերպության պատվավոր անդամներին վկայական տրվում է կազմակերպության նախագահի կողմից սահմանված ժամկետում:

Կազմակերպության շարքերից հեռացվող կամ դուրս եկած անդամը պարտավոր է վերադարձնել անդամության վկայականը, ինչպես նաև իր մոտ գտնվող և կազմակերպությանն առնչվող բոլոր փատաթղթերը:

Սկիզբ